2016 جىلعى 7 ماۋسىماستانا, ۇكىمەت ءۇيى
«جەكەلەگەن نەگىزدەر بويىنشا مەملەكەت مەنشىگىنە اينالدىرىلعان (تۇسكەن) م ۇلىكتى ەسەپكە الۋدىڭ, ساقتاۋدىڭ, باعالاۋدىڭ جانە ودان ءارى پايدالانۋدىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2002 جىلعى 26 شىلدەدەگى № 833 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «جەكەلەگەن نەگىزدەر بويىنشا مەملەكەت مەنشىگىنە اينالدىرىلعان (تۇسكەن) م ۇلىكتى ەسەپكە الۋدىڭ, ساقتاۋدىڭ, باعالاۋدىڭ جانە ودان ءارى پايدالانۋدىڭ كەيبىر ماسەلەلەرى» تۋرالى قازاقستان رەسپۋبليكاسى ۇكىمەتىنىڭ 2002 جىلعى 26 شىلدەدەگى № 833 قاۋلىسىنا (قازاقستان رەسپۋبليكاسىنىڭ ءپۇاج-ى, 2002 ج., № 25, 260-قۇجات) مىناداي وزگەرىستەر مەن تولىقتىرۋلار ەنگىزىلسىن:
كىرىسپە مىناداي رەداكتسيادا جازىلسىن:
«1994 جىلعى 27 جەلتوقسانداعى قازاقستان رەسپۋبليكاسىنىڭ ازاماتتىق كودەكسىنە (جالپى ءبولىم), 1999 جىلعى 1 شىلدەدەگى قازاقستان رەسپۋبليكاسىنىڭ ازاماتتىق كودەكسىنە (ەرەكشە ءبولىم), «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» 2008 جىلعى 10 جەلتوقسانداعى قازاقستان رەسپۋبليكاسىنىڭ كودەكسىنە (سالىق كودەكسى), 2014 جىلعى 5 شىلدەدەگى قازاقستان رەسپۋبليكاسىنىڭ قىلمىستىق-اتقارۋ كودەكسىنە, قازاقستان رەسپۋبليكاسىنىڭ «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» 2010 جىلعى 2 ساۋىردەگى, «نوتاريات تۋرالى» 1997 جىلعى 14 شىلدەدەگى, «ەتيل ءسپيرتى مەن الكوگول ءونىمىنىڭ ءوندىرىلۋىن جانە اينالىمىن مەملەكەتتىك رەتتەۋ تۋرالى» 1999 جىلعى 16 شىلدەدەگى, «مەملەكەتتىك م ۇلىك تۋرالى» 2011 جىلعى 1 ناۋرىزداعى جانە «باعالى مەتالدار مەن اسىل تاستار تۋرالى» 2016 جىلعى 14 قاڭتارداعى زاڭدارىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:»;
كورسەتىلگەن قاۋلىمەن بەكىتىلگەن جەكەلەگەن نەگىزدەر بويىنشا مەملەكەت مەنشىگىنە اينالدىرىلعان (تۇسكەن) م ۇلىكتى ەسەپكە الۋ, ساقتاۋ, باعالاۋ جانە ودان ءارى پايدالانۋ قاعيدالارىندا:
10-تارماقتىڭ ءبىرىنشى بولىگى مىناداي رەداكتسيادا جازىلسىن:
«10. تىزىمدەۋ اكتىسى ەسەپكە الۋ كىتابىنا ەنگىزىلگەننەن كەيىن مەملەكەتتىك م ۇلىك تىزىلىمىندە ءار جازباعا مەملەكەتتىك م ۇلىكتى باسقارۋ جونىندەگى ۋاكىلەتتى ورگان بەلگىلەگەن نىسان بويىنشا تۇگەندەۋ كارتوچكاسى اشىلادى. تۇگەندەۋ كارتوچكاسىنىڭ تاقىرىبىندا م ۇلىكتىڭ كىمگە بەرىلگەنى, سونداي-اق م ۇلىكتى بەرۋ ۋاقىتى تۋرالى مالىمەتتەر قامتىلۋعا ءتيىس. م ۇلىكتى ساتقان كەزدە تۇگەندەۋ كارتوچكاسىندا بيۋدجەتپەن ەسەپ ايىرىسۋ مەرزىمدەرى, تولەم قۇجاتىنىڭ (تارىنىڭ) ءنومىرى مەن كۇنى كورسەتىلەدى.»;
19-تارماق مىناداي رەداكتسيادا جازىلسىن:
«19. جەكەلەگەن نەگىزدەر بويىنشا مەملەكەت مەنشىگىنە اينالدىرىلعان (تۇسكەن) باعالى مەتالداردى, اسىل تاستاردى جانە ولاردان جاسالعان بۇيىمداردى تاسىمالداۋ, قابىلداۋ, ەسەپكە الۋ, باعالاۋ, ساقتاۋ جانە وتكىزۋ ءتارتىبىن قازاقستان رەسپۋبليكاسى ۇلتتىق بانكىمەن كەلىسۋ بويىنشا مەملەكەتتىك م ۇلىكتى باسقارۋ جونىندەگى ۋاكىلەتتى ورگان بەلگىلەيدى.»;
مىناداي مازمۇنداعى 19-1 جانە 19-2-تارماقتارمەن تولىقتىرىلسىن:
«19-1. جەكەلەگەن نەگىزدەر بويىنشا مەملەكەت مەنشىگىنە اينالدىرىلعان جانە قازاقستان رەسپۋبليكاسىنىڭ ۇلتتىق بانكى قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن قابىلداپ العان باعالى مەتالداردىڭ سىنىقتارى مەن قالدىقتارى قازاقستان رەسپۋبليكاسى ۇلتتىق بانكىنىڭ باعالى مەتالدارداعى اكتيۆتەرىنە اففيناجدالعان التىننىڭ قۇيمالارىن ەسەپكە جاتقىزا وتىرىپ اففيناجداۋعا جاتادى.
19-2. جەكەلەگەن نەگىزدەر بويىنشا مەملەكەت مەنشىگىنە اينالدىرىلعان باعالى مەتالداردىڭ سىنىقتارى مەن قالدىقتارىن اففيناجدالعان التىن قۇيمالارى ەتىپ اففيناجدالعان بەرۋ جانە ولاردى اففيناجدالعاننان كەيىن الۋ ءتارتىبىن قازاقستان رەسپۋبليكاسىنىڭ ۇلتتىق بانكى ايقىندايدى.
اففيناجدالعان التىن قۇيمالارىنىڭ قۇنى باعالى مەتالداردىڭ سىنىقتارى مەن قالدىقتارىن قايتا وڭدەۋگە بايلانىستى شىعىندار شەگەرىلە وتىرىپ, بيۋدجەتكە اۋدارىلادى.»;
31-تارماق مىناداي رەداكتسيادا جازىلسىن:
«31. ساپاسى مەن قاۋىپسىزدىگىنە نورماتيۆتىك قۇجاتتاردا قويىلاتىن تالاپتارعا سايكەس كەلمەيتىن ازىق-ت ۇلىك شيكىزاتىن, تاماق ونىمدەرىن, قازاقستان رەسپۋبليكاسى زاڭناماسىنىڭ تالاپتارىنا جانە سانيتاريالىق- ەپيدەميولوگيالىق قاعيدالار مەن نورمالارعا جانە گيگيەنالىق نورماتيۆتەرگە سايكەس كەلمەيتىن, اكتسيزدىك تاڭبالارسىز وتكىزىلەتىن تەمەكى بۇيىمدارىن جانە قۇرامىندا شىعارىلعان ەلى بەلگىسىز تەمەكى بار باسقا دا بۇيىمداردى, سونداي-اق تاسىمالداۋعا, ساقتاۋعا, وتكىزۋگە, سانيتاريالىق-ەپيدەميولوگيالىق ساراپتاما مەن سەرتيفيكاتتاۋدى جۇرگىزۋگە بايلانىستى شىعىندارى وزدەرىنىڭ باعالاۋ قۇنىنان اسىپ تۇسەتىن تاۋارلاردىڭ شامالى پارتيالارىن جانە وزگە دە م ۇلىكتى قازاقستان رەسپۋبليكاسىنىڭ زاڭناماسىنا سايكەس ۋاكىلەتتى ورگان نەمەسە جەرگىلىكتى اتقارۋشى ورگان قۇراتىن كوميسسيا جويادى.
«مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسى زاڭىنىڭ 217-بابىنا سايكەس قاجەت بولعان جاعدايلاردا, كوميسسيانىڭ قۇرامىنا سانيتاريالىق-ەپيدەميولوگيالىق قىزمەتتىڭ قىزمەتكەرلەرى جانە جەرگىلىكتى اتقارۋشى ورگاندار مەن باسقا دا مۇددەلى ۇيىمداردىڭ وزگە دە ماماندارى تارتىلۋى مۇمكىن.».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ